Los fayeos de mayo

Porqué ya va siendo hora de que se reconozca el Asturiano como lengua oficial.

"Les lluces de la ciudá

llíndienme cabo la mar

hasta la playa balera

onde'l carbón y l'arena

s'abracen una vez más.

El presente queda atrás,

presu del atapecer.

Pasen sieglos nun momentu,

y oigo, como nun llamentu,

la voz de la soledá.

Andarina, vienes tarde,

andarina, vienes tarde

vistida de sol y orbayu;

traes oro, y plata traes

a los fayeos de mayo.

Pente ñubes de robín

siento l'alma mineral,

trabayada en desengaños,

apagada como'l faro

d'una mar d'escoria gris.

Fatigáu del camín,

engurriáu pol bramar

d'innumerables hibiernos,

suaño los díes eternos,

espierto en nueches sin fin.

Andarina, vienes tarde,

andarina, vienes tarde

esllumando como'l rayu.

Risca l'alba d'esmeralda

pelos fayeos de mayo.

Pente calles de cristal

trona'l cantu del nordés

con pallabres de poeta,

evocándome una idea,

tresportándome al llugar

onde ñaguo por volver,

ente los montes del sur,

onde huele'l sitiu míu.

Onde too tien sentíu.

Onde soi quien quiero ser.

Andarina, vienes tarde,

andarina, vienes tarde

endolcada nel to cantu.

Yá relluma la rosada

pelos fayeos de mayo.

Cuántes promeses traxeras

con aquella primavera,

y marcharon col verano.

Llevóme la vida entera

regresar a la to vera

y a los fayeos de mayo.

Andarina, vienes tarde,

andarina, vienes tarde

vistida de sol y orbayu.

Yá ye tiempu que descanse

son los fayeos de mayo.

Andarina, vienes tarde,

andarina, vienes tarde

esllumando como'l rayu.

Risca l'alba d'esmeralda

pelos fayeos de mayo. "

Siento no poder poner en el reproductor ésta canción de Felpeyu.